Uncategorized

Israel khawpui atana Jerusalem pawm lo turin ngen

Jordan chuan US hnenah Israel khawpui atana Jerusalem pawm lo turin a ngen a, a pawm a nih chuan nghawng ṭha lo tak a thlen ngei dawn niin a sawi.

Jordan foreign minister Ayman Safadi chuan US Secretary of State Rex Tillerson hnenah, Israel khawpui atana Jerusalem an pawm thu an puang a nih chuan Arab leh Muslim ramte a ti thinur hlen dawn tih a hrilh.

Palestinian President Mahmoud Abbas pawhin US-in Jerusalem hi Israel khawpuia pawm a, embassy a sawn a nih chuan Mideast-a remna a awm theih nana hmalakna pawh a tichhe thei dawn niin a sawi. Abbas hian kar hmasa khan Arab leh ramdang hruaitute pawh biain, Jerusalem-a embassy sawn tumna pawh dodal turin a lo ngen tawh a ni.

Israel chuan Jerusalem hi hmanlai aṭang tawha a ram khawpui, ṭhendarh theih lohah a ngai a, hetih lai hian Palestinian te chuan an ram din hunah East Jerusalam chu khawpui atana hman an tum thung. Israel sorkar chuan Jerusalem-ah hian sorkar hmun pawimawh prime minister office, Supreme Court leh parliament-te pawh a dah a ni.

US President Donald Trump chuan Tel Aviv-a US embassy chu Jerusalem-a sawn a tum mek a, hei hian sawizui a hlawh hle. Mahse a makpa leh a adviser, Jared Kushner chuan thutlukna siam fel a la ni lo niin a sawi thung. US-in a embassy hi Tel Aviv aṭanga Jerusalem-a a sawn a nih chuan, Jerusalem chu Israel khawpui angah a pawm tihnaa a ngai dawn nia sawiin, Arab ramte chuan hei hi an duh lo hle a ni. Palestinian pawhin state pahnih dinna tura hmalak na a tichhe thei dawn niin an sawi bawk.

Israel hian kum 1967 Middle East War aṭang khan East Jerusalem hi a luah a, kum 1980 khan a chhuh lui a ni. Mahse international  law hnuaiah chuan East Jerusalem chu Palestinian ram a luahsak anga ngaih reng a la ni.

Credit; Vanglaini

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s