Uncategorized

Khawvel keeper ṭha ber De Gea?

Manchester United manager Jose Mourinho chuan, “Khawvel keeper ṭha ber ka hmu,” tiin Arsenal 3-1 a an hneh hneh zawhah David de Gea a fak a, Gunners ṭantuten Portuguese manager thusawi hi an ṭawmpui ang.

Inrinni zan Emirates Stadium-a Premier League inkhelah Arsenal-in vawi 33 zet goal attempt an nei a, goal khat chiah an khung. Spanish keeper De Gea chuan vawi 14 zet Gunners player-te goal khung tur a dang a, chung zingah chuan Alexandre Lacazette leh Alexis Sanchez te pet goal tur a zawn zata a dang chuan sawi zui a hlawh hle.

Bul ṭan ṭha

Ṭan aṭanga minute 11 chhung lekin Arsenal ṭum hnih an chesual a, United-in an hrem ve ve. French defender Laurent Koscielny tihsual hlawkpuitu Antonio Valencia-a’n minute li leknaah a pet goal nghal. Minute sarih hnuah Belgian striker Romelu Lukaku-a’n Gunners defender Shkodran Mustafi a chhuhsak hnuah Anthony Martial pe lehin, French forward hian talent nei ṭha bik a nihna lantir zeuhin Jesse Lingard-a’n nuam sa takin a khung.

Defensive game khel thiam Mourinho hoten goal hnih a khung hmaa a, counter attack hmang ṭangkai thei tura player tlan chak a neih bawk avangin United dinhmun a ṭha.

Se bo hnuah

Arsenal-in tha pui an chhuah a, game mawi tak chuan goal chance ṭha siam tel mah se a hmawr an bawk fuh thei lo. First half-ah ringawt Gunners hian goal attempt vawi 20 an der tawh.

French forward Lacazette-a’n awlsam taka khung theih tawh turah De Gea-a’n a hnaih chilh hman a, Spanish keeper hian Hector Bellerin, Sead Kolasinac bakah Lukaku-a’n an lama tih goal tur a dang vek. De Gea theih chin bak a thlen ṭumah Gunners midfielder Granit Xhaka-a’n goal zawnah a pet lo a, United an vannei.

Second half minute thumnaah offside ṭrap bumtu Aaron Ramsey-a ball fing chu Lacazette-a’n a khung a, De Gea tan tih theih a awm lo. Arsenal-in phur phah mah se Pobga theihna san zia a lang a, French midfielder hian a hnampui Koscielny chu awlsam taka paltlangin Lingard-a’n minute 63-naah goal ruakah a khung a, a vawi thum nan Gunners tlarhnung phui ṭha lo chu hremin an awm.

Arsenal-in ball possession 75% zet an nei a, Pogba hnawhchhuah a nih hnuah minute 15 zet la khel mah se United-in goal venhim tawp an ngaihtuah tawh a, referee Andre Marriner-a’n Gunners forward Danny Welbeck penalty a pek loh avangin goal dang a luh belh tawh lo.

Fak hlawh De Gea

Arsenal manager Arsene Manager chuan, “Ngaihtuah buai ngai loin David de Gea kha man of the match a ni a, khel ṭha mah ila hun tawpa lawmna tur kan nei lo erawh a hrilh hai thlak hle. Inkhelh ṭantira kan tihsual kha a pawi a ni,” tiin United keeper De Gea chu danglamna a nih thu a sawi.

Manchester United manager Jose Mourinho chuan, “Arsenal khan hun engemawti chhung chu ṭha takin an khel a, harsatna pawh min siam. Amaherawhchu, ka naute khelh danah ka lawm a, ṭawng thiam nal tak nia an khelh dan sawifiah theih a châkawm – an tih turah an chiang, an rang, an hmuhnawm tih hi an khelh dan ka sawifiah theih dan chu a ni. Point thum hmuh an phu a ni,” tiin chak an phu thu a sawi thung.

Gunners defender Hector Bellerin raptu Pogba chu match thum khel thei lo tura hrem a ni dawn a, French midfielder hian Pathiannia Manchester City nen an inkhelh hunah a khelh dawn loh bakah Bournemouth leh West Bromwich Albion te an hmachhawn hunah a khel thei lo bawk ang.

Credit; vanglaini

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s